Ajudes e bèques

Era Generalitat de Catalonha e es universitats aufrissen diuèrsi tipes d’ajudes e bèques entà facilitar e hèr mès accessible eth aprendissatge d’idiòmes.

Eth Programa de Tresaus Lengües, Parla3, aprovat peth Conselh Interuniversitari de Catalonha e en quau participen totes es universitats catalanes e era Secretaria d’Universitats e Recerca, permet qu’es estudiants universitaris artenhen coneishements de nivèu B2 d’anglés, francés, alemanh e italian pendent es estudis de grad. Includís ajudes entà pròves d’acreditacion deth nivèu B2 e entà corsi de tresaus lengües impartits enes universitats catalanes, es escòles oficiaus d’idiòmes (EOI) o er Institut Obèrt de Catalonha (IOC). Es ajudes s’an de sollicitar a trauès dera Agéncia de Gestion d’Ajudes Universitàries e de Recerca (AGAUR).

Era Generalitat tanben concedís ajudes entara mobilitat internacionau, MOBINT. Son ajudes as estudiants des universitats catalanes qu’an estat seleccionadi entà ua estada academica de mobilitat, pr’amor de contribuïr ath finançament des despenes que compòrte era realizacion d’estudis en d’auti païsi.

Es universitats catalanes aufrissen, a mès, as estudiants d’autes ajudes e bèques entà apréner idiòmes e entà estades de mobilitat internacionau. S'as bèra consulta sus aguestes ajudes met-te en contacte damb eth servici lingüistic.

Pòs tobar tota era informacion sus aguestes ajudes en Canau Universitats: http://universitats.gencat.cat/ca/beques_preus/beques_ajuts/